الاثنين، فبراير 09، 2015

ورشة لتعلم العقاد


ورشة لتعلم العقاد على طريقة الاخت هدى علمي
طريقة تعلم العقاد,ورشة العقاد,دروس العقاد,,تعليم العقاد 
ورشة تعلم العقاد ديال الجلابة
نتمنى تستافدو منها وتوريوني تطبيقاتكم,,,البنات الله اجازيكم بخير الى عاجبكم هادشي لي تندير كتبو لي غييييييي تعليق باش نعطي اكثر

ادوات تعلم العقاد ديال الجلابة والقفطان والتكشيطة المغربي(ة)
ابرة

موندي 

حرير مبروم رقيق

تيو 

اول عقدة
ندخلو الابرة من اسفل الى اعلى و نبقاو لوويو الخيط من الداخل الى الخارج


و طريقة ثانية ناخدو قطعة تيو صغيرة و نعملو تقب في تيو وندخلو الابرة من داخل و نبداو لويو كما شرحت ليكم قبايلا ملي نساليو ندخلو ليبرا 
 
 
فنفس تقبة منفوق الى ثحت كما في الصور
 

و ملي كنساليو كندخلو وحدا في وحدة كما كتوضح الصور
 
 

ونبداو نزوقو نهزو 4 لخيوط و نحشيو الابرة من اليمين الى اليسار 

لوينا خيط على 4 لخيوط غادي نبقاو نهزو 6 نبقاو نخليو زوج من يمين و نهز زوج 
من ليسار و ديما غدي نكونو هازين 6 خيوط وحنا غادين خدامين

في الاخير تنكونو سلينا العقدة
 

الشكل الثالث

 
و دابا غدي نمشيو لطريقة اخرى هي نحشيو ابرا من الداخل للخارج في تقب لي درناها في اول خيط معاكس اللون ونبداو نهزو 2 خيوط نبداو نخليو خيط و نهزو خيط بحال لي في الصورة وحنا خدامين

 
ونبدو نهزو خيط و نخليو خيط بحال في الصورة ديما نكونو هازين 2 خيوط
تانكملو السطر الاول وتنبقاو خدامين في السطر ثاني

وكنبقو نهزو خيط ونخليو خيط ديما تنكنونو هازين 2 تنخليو واحد من يمين وا تنهزو واحد من اليسار وديما تايكونو زوج وهنا تنكونو سلينا العقدة

هاكدا تنكونو سالينا العقدة و تنعمرها تا نحصل على شكل جميل بحال هكا


 
هادو اسهل عقاد ممكن تخدميهم سيدتي وكاين هاد الشكل شوية خاصو الخاطر
ركزو فالطريقة مزيان وغتفهمو ان شاء الله

هنا فين غنحتاج الموندي والتيو رقيق بحال هدا



نبداو على بركة الله اول غرزة
غادي ندخلو الخيط في الابرة او من بعد ندخلو الابرة في التيو او من بعد اندخلو التيو في الموندي على هد الشكل

او راه خاص انجبدو الخيط على هد الشكل من فوق حتى مايبقاش ايباناو دابا جات الغرزة الصعيبة لي خاصها شويا انتاع الدماغ او الانتباه
او تانقولولها الدورة الاولى ولي هي عبارة على تلويا على شكل  وخاصكوم تبقاو عاقلين على الغرزة الاولى لي فهاد الصورةلاننا غاديين نرجعولها

دابا من بعد مالوينا الخيط على التييو من الاسفل الى الاعلى ومن الاعلى الى الاسفل غادين نزيدو دورة اخرى من الاسفل الى الاعلى وهد الدورة غادي تكو مور داك الخيط اللي قوتليكوم عقلو عليه بهد الشكل لي فالصور





اودابا من بعد مالويتو الخيط غاديين اديرو اول غرزة او غادا اتكون فداك الخيط الاول لي لوينا او قولت ليكوم عقلو عليه 
غاديين تحشيو الابرة من فوق الى تحت او اتجرو الخيط بهد الشكل ولكن حاولو ان الخدمة ماتكونش مزيرا من الاول 



اودابا من بعد مادرتو اول غرزة غادي تبدا تسهال الخدمة لاننا غادين نوليو نهزو خيط او نخليو خيط وحنا كاندورو الموندي من اليسار الى اليمين يعني نبقاو غاديين كانخدمو في اتجاه اليسارعلى هد الطريقة لي غادي نشرح ليكوم
اولا: من بعد مادرتو اول غرزة ولي هي هدي

 

غدي تخليو خيك او تهزو الخيط الموالي من الاسفل الى الاعلى على هد الشكل





اونجرو الابرة والخيط للاعلى بهد الطريقة


تانيا: اوكيما شفتو فالصورة ملي جريت الخيط دورتو نصف دورة على الموندي باش نرجع نحشي الابرة من فوق الى تحت في الغرزة لي خليت داباعاد او نجر الخيط للاسفل





انا عارفة بانهم صعابين ولكن الى درتو دماغكوم فيهوم غادي تفهموليهوم
كانتمنا اتكونو فهمتو اوتدربتو على هد الخطوات

ممن بعد غادي انخليو هد 2 غرزات لي فالصورة


او نمشيو لهد الغرزة لي منموراهوم بهد الطريقة من الاسفل الى الاعلى
  

او من بعد غادي انخليو عاوتاني هد الغرزة لي بالسهم الاحمر او نهزو الغرزة الموالية للاشارة غادي نخشيو الابرة في اتجاه السهم الاخضر
من بعد مادرنا هد الغرز اتولي عندنا العقدة على هد الشكل
اودبا غادين نخليو الخيط لي فيه السهم احمر اونهزو الخيط لي فيه السهم الاخضر يعني غانخليو خيط اونهزو خيط
  






اوهكدا تانكونو كملنا الدورة الاولى من العقدة

كانتمنا الصور يكونو واضحين

اودابا من بعدماكملنا الدورة الاولى من العقدة ابقاو لينا جوج
اوهاد جوج دورات لي بقاو كانسميوهوم الترجاع لاننا دابا سلينا الخدم غير غادي انرجعوها اوراه اسهل حاجة في الخدمة

اخر غرزة درنا هي هدي حشينا ليبرا من تحت لفوق






اودابا غادي انتبعو هد الخيط لي دايرالو السهم

غادي انتبعو هد الخيط لي دايرالو السهم بهد الشكل

يعني غادي انتبعوه منين ماداز غادي اندوزو الابرة بهد الشكل





غادي نبقاو متبعين هداك الخيط اوحنا كانهزو غرزة اونخليو غرزة حتى نلاحضو اننا غادي انوليو 
نخليو جوج اويوليو عندنا الغرازي مضوبلين بهد الشكل

 
هنا تانكونو سالينا الدورة التانية

 
اوهنا كانبداو الدورة التالتة

او من بعد غادي ايوليو 3 نتاع الغراز اونبقاو امكملين حتى انساليو الدورة التالتة



من بعد مانساليو الدورة التالتة غادي يخسنا انهيو الخدمة او هدي هي الطريقة




اوهكدا تانكون كملت العقدة

ومن بعد دروس الزواق ديال العقاد في ورشة اخرى مستقلة ان شاء الله
وشكرا للاخت هدى لي مابخلاتش علينا

التالي
هذا احدت موضوع.
رسالة أقدم

0 التعليقات:

إرسال تعليق